Ourencanto
Un encontro coral único
10 a 12 de abril de 2026
Ourencanto 2026 · 8ª edición · 10–12 abril · Concerto de clausura 12 de abril ás 19 h. no Auditorio Municipal de Ourense
Centos de nenos e mozos de 8 a 18 anos volverán compartir tres días de canto coral, convivencia e formación musical en Ourense, nun encontro que culminará cun concerto final no Auditorio Municipal de Ourense.
Desde a súa primeira edición, o festival conta coa dirección artística de Josu Elberdin, alma do proxecto e figura de recoñecido prestixio internacional, cuxa traxectoria foi esencial para facer medrar e consolidar Ourencanto ao longo destes anos.
Nesta edición contaremos tamén coa presenza de Javier Busto, unha das grandes referencias da música coral contemporánea, autor de obras creadas para o festival e estreada nalgunhas das edicións anteriores.
Podedes seguir todas as novidades na nosa web e nas redes sociais: Facebook, Instagram, YouTube e Flickr.
O proxecto
Ourencanto é un referente pioneiro do canto coral en Galicia, creado en Ourense para xuntar formación, convivencia e música entre nenos e mozos. O seu impacto inspirou iniciativas en Galicia, España e ata en proxectos internacionais en Hispanoamérica, consolidándose como encontro de referencia nacional e mundial.
Josu Elberdin
Director de Ourencanto
Vasco de nacemento, é o director musical de Ourencanto desde a súa primeira edición. Nado en Pasaia en 1976, é compositor, director coral e profesor na Escola de Música Municipal da súa localidade.
A súa traxectoria como compositor inclúe encargos para prestixiosos certames e eventos internacionais, e a súa obra está especialmente centrada no ámbito coral infantil, a miúdo en formato de conto musical. Tamén desenvolveu creacións no ámbito sinfónico e instrumental.
Javier Busto
Director convidado
Nado en Hondarribia en 1949, é unha das grandes referencias da música coral española. Licenciado en Medicina e de formación musical autodidacta, iniciou a súa traxectoria impulsado por Erwin List.
Dirixiu o Coro Ederki e fundou agrupacións como Eskifaia, Kanta Cantemus Korua e Aquam Lauda Korua, acadando numerosos premios internacionais.
Como compositor, a súa obra interprétase en todo o mundo; en Ourencanto xa se escoitaron algunhas das súas pezas, incluídos estreas.
En 2025 recibiu o Primeiro Premio Nacional de Música Coral en España, en recoñecemento á súa traxectoria.
Ourencanto é único
🎵 Dirección artística de prestixio
❤️ Formación e convivencia
🌍 Referente nacional e internacional
🎤 Repertorio exclusivo
🤝 Convivencia entre coros de diferentes centros
🎼 Concerto final con músicos profesionais
✨ Experiencia artística, formativa e humana
Datos clave
📊 +3.000 participantes ao longo das edicións
🎼 Máis de 100 obras interpretadas
🏆 8 edicións celebradas
⏰ 3 días de actividade musical intensiva
🎤 1 concerto final de alto nivel
🎬 Montaxe escénica de nivel profesional
📍 Auditorio Municipal de Ourense
O concerto final
12 de abril 2026, ás 19 h.
Auditorio Municipal de Ourense
